بعض الأمثال والحكم الحجازيه

السلام عليكم ورحمة الله وبركاته

قريت وشفت عدة امثال وحكم لكن الأمثال الحجازيه كانت اغرب امثال شفتها

وهذه مجموعة منها على ما اظن انها متنشرة في الحجاز وفي بعض اهالي الجنوب

واخليكم مع الامثال

عقله زي الكيلون كلمة توديه وكلمة تجيبه ( الكيلون قفل الباب يمين قفل ويسار
>فتح)

>القدر قال للمغرفة ياسودة و معجرفة قالت كلنا اولاد مطبخ

>زي بغل الطاحون لا عافية و لا نظر(و في رواية زي موظف .....الخ)

>سوي طيب وارميه في بحر جاري ان ضاع عند العبد مايضيع عند الباري

>لا من خيره اعطاني و لا من شره كفاني

>و حياة خالقك ماني مفارقك مو محبة فيك بس عشان اضايقك

>قبل ماخطب عبى الحطب وقال احط الكوانين فين؟ (الكانون: طباخة تعمل بالفحم)

>لا يتسرى ولا يبات بره( دلالة على الاستقامة)

>ارسل مرسول ولا ترسل فلوس

>حلم البساس كله فيران

>لا قدرك يغلي ولا مقلاتك تقلي وانا زليت (مريت) عليك من قلة عقلي

>قالوا لفرعون ايش فرعنك قال ما لقيت احد يردني

>خنفسانة شافت بزورتها ع الحيط قالت ياعمري لولو في خيط
رد أبو وردان هو اللي
زي وزيك يجيبوا وحشين؟

>بده يعرف القار و القرير والبيضة كيف تصير((Micro Management

>مكسحة وتقول للصايغ تقل الخلخال

>خاطر الاعمى قفة عيون

>تفلوا ف وجه الرزيل قال دي مطرة

>زي يوم الشتا قصير و نكد

>أعمى قال لآأطرش خلينا نشوفك

>الباب مفتوح و الصدر مشروح و اللي يجي يجي واللي يروح يروح >باب الدرج يقول لباب السطوح اللى يجى يجى واللى يروح روح.

>اللي عنده قرش محيره يشتري حمام و يطيره

>اللي ما عنده شي يشغله يفتح الباب و يقفله

>زي الحلاق يضحك على الاقرع بطقطقة المقص

>زي الشيال ما يذكر ربه الا في الحملة الثقيلة

>زي القنفذ لاينحضن ولاينباس) شرس البعيد)

>زي أباريق المسجد كل واحد شكل

>زي سلاقين البيض اول بأول

>زي قبور اليهود بياض و قلة رحمة

>زي قراية اليهود ثلثينها كذب

>زيطة و عيطة على مخيطة( المخيط: ثمرة شجر النيم) (يطلق فى الخلاف على الشئ
>التافه)

>صباح الخير يا أعور قال دا شر بايت

>وقت الكباب صكوا الباب و وقت الملوخية اجمعوا الاهلية

في بعظها أمثله مصريه والله أعلم زي اللي عنده قرش محيره يشتري حمام و يطيره
أمثله جميله بعظها فهمتها والبعض ما فهمتها يعطيك العافيه لاهنت طبعا لاهنت هذه في موقعكم ههههههه